గ్రామపంచాయతీ కార్మికుల వేతనం పెంపు

 తెలంగాణలో గ్రామ పంచాయతీ కార్మికులకు రాష్ట్ర ప్రభుత్వం శుభవార్త చెప్పింది. కార్మికుల వేతనాన్ని రూ.8,500కు పెంచుతూ నిర్ణయం తీసుకుంది. ఈ మేరకు పంచాయతీరాజ్‌ శాఖ ముఖ్య కార్యదర్శి వికాస్‌రాజ్‌ ఉత్తర్వులు జారీ చేశారు. గతంలో గ్రామ పంచాయతీల్లో పనిచేస్తున్న కార్మికులకు ఒక్కో పంచాయతీలో ఒక్కో రకమైన వేతనం ఉండేది. ఈ నేపథ్యంలో తక్కువ వేతనాలు ఉన్నాయని భావించిన రాష్ట్ర ప్రభుత్వం.. అన్ని పంచాయతీల్లో కార్మికులకు ఒకే రకమైన వేతనాలు ఉండేలా నిర్ణయం తీసుకుంది. దీనికి అవసరమైన నిధులను రాష్ట్ర ప్రభుత్వం విడుదల చేస్తుందని ఉత్తర్వుల్లో పేర్కొన్నారు.